Punjabi

بال کے ہڈاں دا بالن تندوری دل دی تائی اے
آٹا گن کے یاد تیری دا دکھاں دی روٹی لائی اے

Advertisements
Punjabi

آپے کیتی گل بات بھل جاندے نیں
بندے اپنی اوقات بھل جاندے نیں
شہر دے چانن وچ پئے جان والے
پنڈ دی چاننی رات بھل جاندے نیں
پیزے برگر جہی خوراک تے لگ کے
ددھ مکھن جہی سوغات بھل جاندے نیں
جد سکھ ہون چار چوفیرے ، فر اقبال
دکھیاں دے حالات بھل جاندے نیں

Punjabi, Qitaha

ساڈیاں کنکاں ہویاں رج

ساڈیاں کنکاں ہویاں رج

اساں فر وی بھکے بھانے

غرضاں گیئاں نیں ودھ

کہڑے پاسے جان نمانے

دھکے نال نا بنو اج

ہسن وڈے ای سیانے

کھاندے سی جد رل مل سبھ

کدی نہیہ سن مکے دانے

Punjabi, Qitaha

چار دناں دی زندگی

چار دناں دی زندگی اے خشیاں نال توں جی لے
یا تے سچ ناں بول یا فر زہر  پیالہ پی لے
اکھیں جو کجھ ویکھیا ای اوہ ناں بول زبانوں
یا تے سولی چڑھ جا یا فر لباں نوں سی لے
اقبال شاہین